每個小朋友都是唯一而獨特的。我們不要去比較。我們聆聽，感受佢既需要而給予佢最適合的照顧。
米米與花花完全唔同。
花花好細膽，好癡身，好需要安全感。
佢對每一樣野都好奇好大膽。但同時又超級細膽。需要好長既時間先會去嘗試。
米媽從來無強迫花花去成長。 陪著佢，用佢既步伐去成長。
花花自小害怕人群，那就不要強迫佢面對人群，慢慢一步步陪著佢感受別人的存在，一步步由佢主導去邁開佢既小腳子。 小小的探頭試試又回到媽咪懷抱。
別人9月1開學，花花今天16號，終於開始適應返3小時，由喊爆，到琴日在校門前同米媽揮手，講拜拜，飛吻。，沒哭一聲自己轉身入去，米媽的心情是無喻論比。 每一次的堅持陪伴，每一次的進步，米媽覺得為自己的小女兒自豪， 花花不是最好，但是以她自己的步伐成長中。
每天早上，花花都會起床開門出來找媽媽撒嬌，要抱好長時間，要哼歌佢聽。 米媽知道佢需要我。所以在花花會起身之前已預先起床。為米米準備好一切及早餐，等家姐都知道米媽兩個都重視，同時準備張開懷抱給予花花足夠既時間安全感。
為母不易但作為小孩子也談何容易呢。
這個世代的小朋友面對的比我們更難。
我們可以做的就是幫佢地儲定彈藥，令佢地充滿愛充滿自信地去迎接出面既挑戰。
記得對小朋友不要太苛責，畢竟是小朋友，我們可以教他們面對現實，但不要強拉他們去成長。 用正面肯定語去成就一個小朋友的成長環境而不是用激將法否定語去塑造他的人。
米媽與大家共勉
#米媽育兒
Search